നൂതന സാങ്കേതിക വിദ്യയിൽ ഇതിഹാസ ചിത്രവുമായി പ്രിത്വിരാജ് എത്തുന്നു – എന്താണ് വെർച്യുൽ പ്രൊഡക്ഷൻ

പ്രതിസന്ധികാലഘട്ടങ്ങൾ അതിജീവിക്കാൻ പല നൂതന സംവിധാനങ്ങളെയും മനുഷ്യൻ ആശ്രയിക്കും അതാണ് സയൻസിന്റെ വിജയം കോവിഡ് മഹാമാരിയുടെ വ്യാപനത്തിൽ വിറങ്ങലിച്ചു നിൽക്കുന്ന സിനിമ ലോകത്തെ പ്രതിസന്ധികൾ പരിഹരിക്കുന്നതിന് വേണ്ടി ഒരു നൂതന ആശയവുമായി എത്തുകയാണ് നടൻ പ്രിത്വിരാജ് ,തന്റെ പുതിയ ബ്രഹ്മാണ്ഡ ചിത്രം പൂർണമായും വെർച്വൽ പ്രൊഡക്ഷനിലൂടെ ചിത്രീകരിക്കാനൊരുങ്ങുകയാണ് താരം . സംവിധായകൻ ആർ‌എസ് വിമലിന്റെ ധർമ്മരാജ്യം ഇതേ ടെക്നിക് ഉപയോഗിച്ചാണ് നിർമ്മിക്കുന്നത്, ചിത്രത്തിന്റെ ഭൂരിഭാഗവും ചിത്രീകരിക്കുമെന്ന് വെർച്വൽ പ്രൊഡക്ഷനിലൂടെ ആണെന്ന് അദ്ദേഹം നേരത്തെ പ്രഖ്യാപിച്ചിരുന്നത്. തിങ്കളാഴ്ച പൃഥ്വിരാജ് തന്റെ വരാനിരിക്കുന്ന സിനിമ പൂർണ്ണമായും വെർച്വൽ പ്രൊഡക്ഷൻ ഉപയോഗിച്ച് ചിത്രീകരിക്കുമെന്ന് വെളിപ്പെടുത്തിയിരുന്നു.

ചലച്ചിത്രനിർമ്മാണത്തിന്റെ കലയിലും ശാസ്ത്രത്തിലും ആവേശകരമായ ഒരു പുതിയ അധ്യായമാണിത്! അതിനാൽ വലിയ പ്രതീക്ഷയോടെയാണ് ഇതിനെ വീക്ഷിക്കുന്നത് ! മാറുന്ന സമയം, പുതിയ വെല്ലുവിളികൾ, നൂതന രീതികൾ! പറയാൻ ഒരു ഇതിഹാസ കഥയും. ഗോകുൽരാജ് ബാസ്കർ സംവിധാനം ചെയ്ത ചിത്രത്തിന്റെ പോസ്റ്റർ വെളിപ്പെടുത്തി കൊണ്ട് പൃഥ്വിരാജ് കുറിച്ചത് ഇതാണ് . മലയാളം, ഹിന്ദി, തെലുങ്ക്, തമിഴ്, കന്നഡ എന്നി ഭാഷകളിൽ ഒരേ സമയം ചിത്രം റിലീസ് ചെയ്യും

പൃഥ്വിരാജ് പ്രൊഡക്ഷനുമായി ചേർന്ന് ചിത്രം നിർമ്മിക്കുന്ന ലിസ്റ്റിൻ സ്റ്റീഫനെ പറയുന്നു, “വെർച്വൽ പ്രൊഡക്ഷൻ ഉപയോഗിച്ച് ഇന്ത്യയിൽ ചിത്രീകരണം ആരംഭിക്കുന്ന ആദ്യ സിനിമയാണിത്, അഞ്ചു ഭാഷയിലും ഒരേസമയം സിനിമ ഷൂട്ട് ചെയ്യാൻ ഞങ്ങൾ പദ്ധതിയിടുന്നു. ഇത് ബാഹുബലി പോലുള്ള ഒരു ഇതിഹാസ കാലഘട്ട ചിത്രമാണ്, ഇത് ഒരു വലിയ ക്യാൻവാസിൽ ഒരു സ്റ്റെല്ലാർ കാസ്റ്റ് ഉപയോഗിച്ച് നിർമ്മിക്കും. ”

നിലവിൽ വിവിധ വ്യവസായങ്ങളിൽ നിന്നുള്ള അഭിനേതാക്കളുമായി അണിയറ പ്രവർത്തകർ ചർച്ചകൾ നടത്തിവരികയാണെന്ന് നിർമ്മാതാവ് പറയുന്നു. “സ്റ്റുഡിയോ ഉൾപ്പെടെയുള്ള സാങ്കേതിക വിശദാംശങ്ങളും ഞങ്ങൾ അന്തിമമാക്കുകയാണ്, തീയതികൾ ചർച്ചചെയ്യുന്നു, അതിനാൽ ഞങ്ങൾക്ക് എത്രയും വേഗം ആരംഭിക്കാൻ കഴിയും,” അദ്ദേഹം കൂട്ടിച്ചേർക്കുന്നു.

പൃഥ്വിരാജ് പ്രൊഡക്ഷൻസ് മുമ്പ് ജെനൂസ് മുഹമ്മദ് സംവിധാനം ചെയ്ത ‘9’, ജീൻ പോൾ ലാൽ സംവിധാനം ചെയ്ത ഡ്രൈവിംഗ് ലൈസൻസ് എന്നിവ നിർമ്മിച്ചിട്ടുണ്ട്. രണ്ട് ചിത്രങ്ങളിലും പൃഥ്വിരാജായിരുന്നു നായകൻ. അതേസമയം, ബ്ലെസ്സിയുടെ ആട് ജീവിതം ആണ് പൃഥ്വിരാജിന്റെതായി ഇപ്പോൾ നിർമ്മാണത്തിലിരിക്കുന്നചിത്രം . ആട് ജീവിതത്തിന്റെ ബാക്കി ചിത്രീകരണം ജോർദാനിലും സഹാറ മരുഭൂമിയിലും നടക്കാൻ ബാക്കിയുണ്ട്. വിഖ്യാതനായ മലയാളം എഴുത്തു ക്കാരൻ ബെന്യാമിന്റെ പ്രസിദ്ധമായ നോവൽ ആട് ജീവിതം ആണ് സംവിധായകൻ ബ്ലെസ്സി സിനിമയാക്കുന്നത്

എന്താണ് വെർച്യുൽ പ്രൊഡക്ഷൻ

ഡിജിറ്റൽ വേൾഡ് അഥവാ കമ്പ്യൂട്ടർ ഗ്രാഫിക്സ് ഉപയോഗിച്ച നിർമ്മിക്കുന്ന സാങ്കല്പിക ലോകത്തു യഥാർത്ഥമായ വസ്തുക്കളെയും മനുഷ്യരെയും മറ്റും അനുയോജ്യമായ രീതിയിൽ മോഷൻ ക്യാപ്ച്ചർ എന്ന നൂതന സാങ്കേതിക വിദ്യ ഉപയോഗിച്ച് ചിത്രീകരിക്കുന്ന രീതിയാണ് വെർച്യുൽ പ്രൊഡക്ഷൻ.ഇതിനു നൂതന സാങ്കേതിക വിദ്യയുടെ സഹായത്തോടെ തയ്യാറാക്കിയ മോഷൻ ക്യാപ്ചർ സ്റ്റേജുകളിലാണ് യഥാർത്ഥ കഥാപാത്രങ്ങൾ അഭിനയിക്കുക . ഗ്രീൻ സ്ക്രീൻ ഉപയോഗിച്ച് ചിത്രീകരിക്കുന്ന അത്തരം രംഗങ്ങളെ ഡിജിറ്റൽ ലോകത്തേക്ക് പറിച്ചു നടുകയാണ്‌ ഈ സാങ്കേതിക വിദ്യയുടെ മിടുക്ക് .പക്ഷേ അതിന്റെ ആ സങ്കലനം വളരെ പ്രയാസകരമാണ് പക്ഷേ ഹോളിവുഡ് ചിത്രങ്ങളിൽ കൂടുതലും അത്തരം സാങ്കേതിക വിദ്യയുടെ ഉത്തമ ഉദാഹരണമാണ്. അതിനു ഏറ്റവും മികവുറ്റ ഉദാഹരണമാണ് ലോക പ്രശസ്ത ചിത്രമായ അവതാർ. കൂടുതൽ മനസിലാകുന്ന രീതിയിൽ പറഞ്ഞാൽ അതിൽ കാണുന്ന ആ ലോകം പൂർണമായും കമ്പ്യൂട്ടർ സാങ്കേതിക വിദ്യ ഉപയോഗിച്ച് നിർമ്മിച്ചതാണ് .വെർച്യുൽ പ്രൊഡക്ഷന്റെ ഏറ്റവും മികച്ച ഉദാഹരണമാണ് അത്തരം ചിത്രങ്ങൾ .